मलाही काही कळत नाही

तुझ्या माझ्या आयुष्याचे यमक काही जुळत नाही,
कविता कशावर करू "विषय" काही मिळत नाही.

रोज तुला मागूनही तू मला मिळत नाही,
देवालाही कदाचित ओढ प्रेमाची कळत नाही.

प्रेमात पडताना मन स्वतःला सांभाळत नाही
विचार करताना "तुझा" कधीच ते कंटाळत नाही.

काय झालंय मला हे, मलाही काही कळत नाही,
म्हणतात ना की प्रेमाच्या वळणावर अपघात काही टळत नाही.

माझ्यातला "मी" आणि स्वप्नातली "तू" एकरूप काही होत नाही,
यामुळेच हल्ली झोप मला येत नाही.....